STANDARD 4 MALAYALAM നെഹ്രു ട്രോഫി വള്ളംകളി

രസിതം  യൂണിറ്റ്  - 4

PENCIL MODULE AND WORK SHEETS DOWNLOAD

 കേരളത്തിലെ പ്രധാന ജലമേളകളിലൊന്നാണ് നെഹ്‌റു ട്രോഫി വള്ളംകളി. ആലപ്പുഴ ജില്ലയിലെ പുന്നമടക്കായലിൽ വർഷത്തിലൊരിക്കൽ അരങ്ങേറുന്ന ഈ ജലോത്സവം ഒട്ടനവധി മറുനാടൻ വിനോദ സഞ്ചാരികളെയും ആകർഷിക്കുന്നുണ്ട്. നെഹ്‌റു ട്രോഫി വള്ളംകളി സമിതിയുടെ ആഭിമുഖ്യത്തിൽ എല്ലാവർഷവും ഓഗസ്റ്റ് മാസത്തെ രണ്ടാം ശനിയാഴ്ച അരങ്ങേറുന്ന ഈ ജലമേള അരനൂറ്റാണ്ടു പിന്നിട്ടു.

ചരിത്രം

നെഹ്‌റു ട്രോഫി വള്ളംകളിയുടെ വാച്ച്‌ടവർ

ഇന്ത്യയുടെ പ്രഥമ പ്രധാനമന്ത്രിയായിരുന്ന ജവഹർലാ‍ൽ നെഹ്‌റുവിന്റെ കേരള സന്ദർശനത്തോടനുബന്ധിച്ച് കേരള സർക്കാർ പ്രത്യേകമൊരുക്കിയ ചുണ്ടൻ‌വള്ളംകളി മത്സരത്തോടെയാണ് നെഹ്‌റു ട്രോഫിയുടെ ചരിത്രം ആരംഭിക്കുന്നത്. 1952ലായിരുന്നു ഇത്. ആലപ്പുഴ ജില്ലയിലെ പുന്നമടക്കായലിലാണ് മത്സരം അരങ്ങേറിയത്. ചുണ്ടൻ‌വള്ളങ്ങളുടെ തുഴയെറിഞ്ഞുള്ള പോരാട്ടാം ആവേശത്തോടെ വീക്ഷിച്ച നെഹ്‌റു മത്സരാന്ത്യത്തിൽ സകല സുരക്ഷാ ക്രമീകരണങ്ങളും കാറ്റിൽ‌പ്പറത്തി വള്ളംകളിയിൽ ഒന്നാമതെത്തിയ നടുഭാഗം ചുണ്ടനിൽ ചാടിക്കയറി. നെഹ്‌റുവിന്റെ ഈ ആഹ്ലാദപ്രകടനം അംഗീകാരമായിക്കരുതിയ വള്ളംകളി പ്രേമികൾ അദ്ദേഹത്തെ ചുണ്ടൻവള്ളങ്ങളുടെ അകമ്പടിയോടെ കൊച്ചിവരെയെത്തിച്ചു യാത്രയാക്കി. പിന്നീട് ഇന്ത്യയുടെ പ്രധാനമന്ത്രിമാരായിത്തീർന്ന ഇന്ദിരാ ഗാന്ധിയും രാജീവ് ഗാന്ധിയും ഈ വള്ളംകളിക്കാഴ്ചയിൽ നെഹ്‌റുവിനൊപ്പം ഉണ്ടായിരുന്നു.

ഡൽ‌ഹിയിലെത്തിയ ശേഷം സ്വന്തം കയ്യൊപ്പോടുകൂടി വെള്ളിയിൽ തീർത്ത ചുണ്ടൻ വള്ളത്തിന്റെ മാതൃക നെഹ്‌റു അയച്ചുതന്നു. ഈ മാതൃകയാണ് വിജയികൾക്കു നൽകൂന്ന നെഹ്‌റൂ ട്രോഫി. തുടക്കത്തിൽ പ്രൈം‌മിനിസ്‌റ്റേഴ്സ് ട്രോഫി എന്നായിരുന്നു വള്ളംകളി അറിയപ്പെട്ടിരുന്നത്. 1969 ജൂൺ ഒന്നിനു കൂടിയ വള്ളംകളി സമിതി നെഹ്‌റുവിനോടുള്ള ആദരവ് കാരണം കപ്പിന്റെ പേര്‌ നെഹ്‌റു ട്രോഫി വള്ളംകളി എന്നാക്കിമാറ്റി.

മത്സര രീതി

ചുണ്ടൻ വള്ളങ്ങളുടെ മത്സരമാണ് ഇവിടെ പ്രധാനമെങ്കിലും മറ്റുള്ളവയുമുണ്ട്. ഓടി, വെപ്പ്, ചുരുളൻ എന്നീ വിഭാഗങ്ങളിലായി ഒട്ടേറെ വള്ളങ്ങളും മത്സരത്തിനിറങ്ങും. ഓരോ വിഭാഗത്തിലെയും ജേതാക്കൾക്കും പ്രത്യേക സമ്മാനങ്ങളുമുണ്ട്.

ജേതാക്കൾ

നമ്പർ	വർഷം	വിജയിച്ച ചുണ്ടൻ	ബോട്ട് ക്ലബ്	ക്യാപ്റ്റൻ
1	1952	നടുഭാഗം	നടുഭാഗം ബോട്ട് ക്ലബ്	ചാക്കോ മാമ്പിള മട്ടു മാപ്പിള
2	1954	കാവാലം	കാവാലം ടീം	തൊമ്മൻ ജോസഫ്
3	1955	പാർത്ഥസാരഥി	എൻ.എസ്.എസ്. കരയോഗം, നെടുമുടി	കെ.ജി. രാഘവൻ നായർ
4	1956	നെപ്പോളിയൻ	കാവാലം ടീം	തൊമ്മൻ ജോസഫ്
5	1957	നെപ്പോളിയൻ	പൊങ്ങ ബോട്ട് ക്ലബ്	ജോസഫ് ചെറിയാൻ
6	1958	നെപ്പോളിയൻ കാവാലം	പൊങ്ങ ബോട്ട് ക്ലബ് കാവാലം ബോട്ട് ക്ലബ്	ചെറിയാൻ ജോസഫ് ടി.ജെ. ജോബ്
7	1959	നെപ്പോളിയൻ	പൊങ്ങ ബോട്ട് ക്ലബ്	ചെറിയാൻ വർഗ്ഗീസ്
8	1960	കാവാലം	കാവാലം ബോട്ട് ക്ലബ്	മാത്തച്ചൻ
9	1961	നെപ്പോളിയൻ	പൊങ്ങ ബോട്ട് ക്ലബ്	ചെറിയാൻ വർഗ്ഗീസ്
10	1962	കാവാലം	കാവാലം ബോട്ട് ക്ലബ്	ടി.ജെ. ജോബ്
11	1963	ഗിയർഗോസ്	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	പി.കെ. തങ്കച്ചൻ
12	1964	സെന്റ് ജോർജ്ജ്	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	പി.കെ. തങ്കച്ചൻ
13	1965	പാർത്ഥസാരഥി	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	പി.കെ. തങ്കച്ചൻ
14	1966	പുളിങ്കുന്ന്	പുളിങ്കുന്ന് ബോട്ട് ക്ലബ്	തൊമ്മിച്ചൻ
15	1967	പുളിങ്കുന്ന്	പുളിങ്കുന്ന് ബോട്ട് ക്ലബ്	തൊമ്മിച്ചൻ
16	1968	പാർത്ഥസാരഥി	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	പി.കെ. തങ്കച്ചൻ
17	1969	പുളിങ്കുന്ന്	പുളിങ്കുന്ന് ബോട്ട് ക്ലബ്	സി.സി. ചാക്കോ
18	1970	കല്ലൂപറമ്പൻ	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	വർഗ്ഗീസ് ആന്റണി
19	1971	കല്ലൂപറമ്പൻ പുളിങ്കുന്ന്	കുമരകം ബോട്ട് ക്ലബ് പുളിങ്കുന്ന് ബോട്ട് ക്ലബ്	നെല്ലാനിക്കൽ പാപ്പച്ചൻ ചാക്കമ്മ കണ്ണോട്ടുത്തറ
20	1972	കല്ലൂപറമ്പൻ	കുമരകം ബോട്ട് ക്ലബ്	നെല്ലാനിക്കൽ പാപ്പച്ചൻ
21	1973	കുമരകം ബോട്ട് ക്ലബ്	നെല്ലാനിക്കൽ പാപ്പച്ചൻ
22	1974	കാരിച്ചാൽ	ഫ്രണ്ട്സ് ബോട്ട് ക്ലബ്, ചേന്നങ്കരി & വേണാട്ടുകാട്	പി.സി. ജോസഫ്
23	1975	കാരിച്ചാൽ	ഫ്രണ്ട്സ് ബോട്ട് ക്ലബ്, ചേന്നങ്കരി & വേണാട്ടുകാട്	പി.സി. ജോസഫ്
24	1976	കാരിച്ചാൽ	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	പി.കെ. തങ്കച്ചൻ
25	1977	ജവഹർ തായങ്കരി	തായങ്കരി ബോട്ട് ക്ലബ്	കെ.എസ്. വർഗ്ഗീസ്
26	1978	ജവഹർ തായങ്കരി	തായങ്കരി ബോട്ട് ക്ലബ്	കെ.എസ്. വർഗ്ഗീസ്
27	1979	ആയാപറമ്പ് വലിയ ദിവാൻജി	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	രവി പ്രകാശ്
28	1980	കാരിച്ചാൽ	പുല്ലങ്ങടി ബോട്ട് ക്ലബ്	രാമചന്ദ്രൻ
29	1981	വിജയി ഇല്ല	വിജയി ഇല്ല	വിജയി ഇല്ല
30	1982	കാരിച്ചാൽ	കുമരകം ബോട്ട് ക്ലബ്	നെല്ലാനിക്കൽ പാപ്പച്ചൻ
31	1983	കാരിച്ചാൽ	കുമരകം ബോട്ട് ക്ലബ്	നെല്ലാനിക്കൽ പാപ്പച്ചൻ
32	1984	കാരിച്ചാൽ	കുമരകം ബോട്ട് ക്ലബ്	നെല്ലാനിക്കൽ പാപ്പച്ചൻ
33	1985	ജവഹർ തായങ്കരി	ഫ്രണ്ട്സ് ബോട്ട് ക്ലബ്, ചേന്നങ്കരി & വേണാട്ടുകാട്	പി.സി. ജോസഫ്
34	1986	കാരിച്ചാൽ	വില്ലേജ് ബോട്ട് ക്ലബ്, കൈനകരി	സണ്ണി അക്കരക്കളം
35	1987	കാരിച്ചാൽ	വില്ലേജ് ബോട്ട് ക്ലബ്, കൈനകരി	സണ്ണി അക്കരക്കളം
36	1988	വെള്ളംകുളങ്ങര	പള്ളാത്തുരുത്തി ബോട്ട് ക്ലബ്	ടി.പി. രാജ്ഭവൻ
37	1989	ചമ്പക്കുളം	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	എ.കെ. ലാലസൻ
38	1990	ചമ്പക്കുളം	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	എ.കെ. ലാലസൻ
39	1991	ചമ്പക്കുളം	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	എ.കെ. ലാലസൻ
40	1992	കല്ലൂപറമ്പൻ	ശ്രീലക്ഷ്മണ ബോട്ട് ക്ലബ്, മുളക്കുളം	വി.എൻ. വേലായുധൻ
41	1993	കല്ലൂപറമ്പൻ	യുണൈറ്റഡ് ബോട്ട് ക്ലബ് (യു.ബി.സി.) കൈനകരി	സി.വി. വിജയൻ
42	1994	ചമ്പക്കുളം	ജെറ്റ് എയർവേസ് ബോട്ട് ക്ലബ്, കൊച്ചിൻ	ആന്റണി അക്കരക്കളം
43	1995	ചമ്പക്കുളം	ആലപ്പുഴ ബോട്ട് ക്ലബ്	ജോസ് ജോൺ
44	1996	ചമ്പക്കുളം	ആലപ്പുഴ ബോട്ട് ക്ലബ്	അനിൽ മാധവൻ
45	1997	ആലപ്പാടൻ	നവജീവൻ ബോട്ട് ക്ലബ്, ആർപ്പൂക്കര	കെ.പി. പൗൾ
46	1998	ചമ്പക്കുളം	പള്ളാത്തുരുത്തി ബോട്ട് ക്ലബ്	ഡൊമിനിക് കുഴിമറ്റം
47	1999	ആലപ്പാടൻ	കുമരകം ടൗൺ ബോട്ട് ക്ലബ്	സമ്പത്ത് കണിയാമ്പറമ്പിൽ
48	2000	കാരിച്ചാൽ	ആലപ്പുഴ ബോട്ട് ക്ലബ്	ബെൻസി രണ്ടുത്തിക്കൽ
49	2001	കാരിച്ചാൽ	ഫ്രണ്ട്സ് ബോട്ട് ക്ലബ്, ചേന്നങ്കരി & വേണാട്ടുകാട്	ടോബിൻ ചാണ്ടി
50	2002	വെള്ളംകുളങ്ങര	കുമരകം ബോട്ട് ക്ലബ്	സണി ജേക്കബ്
51	2003	കാരിച്ചാൽ	നവജീവൻ ബോട്ട് ക്ലബ്, മണിയാപറമ്പ്	തമ്പി പൊടിപ്പറ
52	2004	ചെറുതന	കുമരകം ടൗൺ ബോട്ട് ക്ലബ്	രാജു വടക്കത്ത്
53	2005	പായിപ്പാട്	കുമരകം ടൗൺ ബോട്ട് ക്ലബ്	രാജു വടക്കത്ത്
54	2006	പായിപ്പാട്	കുമരകം ടൗൺ ബോട്ട് ക്ലബ്	രാജു വടക്കത്ത്
55	2007	പായിപ്പാട്	കുമരകം ടൗൺ ബോട്ട് ക്ലബ്	കുഞ്ഞുമോൻ മേലുവള്ളിൽ
56	2008	കാരിച്ചാൽ	ജീസസ് ബോട്ട് ക്ലബ്, കൊല്ലം	ജിജി ജേക്കബ് പൊള്ളയിൽ
57	2009	ചമ്പക്കുളം	ജീസസ് ബോട്ട് ക്ലബ്, കൊല്ലം	ജിജി ജേക്കബ് പൊള്ളയിൽ
58	2010	ജവഹർ തായങ്കരി	കുമരകം ടൗൺ ബോട്ട് ക്ലബ്	ജോസഫ് ഫിലിപ്പ്
59	2011	ദേവാസ്	ജീസസ് ബോട്ട് ക്ലബ്, കൊല്ലം	സ്വാൻ ചാക്കോ
60	2012	ശ്രീ ഗണേഷ്	ഫ്രീഡം ബോട്ട് ക്ലബ്, കൈനകരി	ജിജി ജേക്കബ് പൊള്ളയിൽ
61	2013	ശ്രീ ഗണേഷ്	സെന്റ്‌ ഫ്രാൻസിസ്‌ ബോട്ട് ക്ലബ്, ഹരിപ്പാട്‌	അരുൺ കുമാർ
62	2014	ചമ്പക്കുളം	യുണൈറ്റഡ് ബോട്ട് ക്ലബ് (യു.ബി.സി.) കൈനകരി
63	2015	ജവഹർ തായങ്കരി	കോട്ടയം വേമ്പനാട്‌ ബോട്ട്‌ ക്ലബ്ബ്
64	2016	കാരിച്ചാൽ	കോട്ടയം വേമ്പനാട്‌ ബോട്ട്‌ ക്ലബ്ബ്	ജെയിംസ്‌ കുട്ടി ജേക്കബ്‌

കേരളത്തിന്റെ തനതായ ജലോത്സവമാണ് വള്ളംകളി. സമൃദ്ധിയുടെ ഉത്സവമായ ഓണക്കാലത്താണ് സാധാരണയായി വള്ളംകളി നടക്കുക. പല തരത്തിലുള്ള പരമ്പരാഗത വള്ളങ്ങളും വള്ളംകളിക്ക് ഉപയോഗിക്കുന്നു. ഇവയിൽ പ്രധാനം ചുണ്ടൻ വള്ളം ആണ്. ഇന്ന് വള്ളംകളി ഒരു പ്രധാന വിനോദസഞ്ചാര ആകർഷണവുമായി മാറിയിരിക്കുന്നു. വള്ളംകളിയെ കേരള സർക്കാർ ഒരു കായിക ഇനമായി അംഗീകരിച്ചിട്ടുണ്ട്.

വള്ളംകളിയിൽ ഉപയോഗിക്കുന്ന മറ്റു വള്ളങ്ങൾ ചുരുളൻ വള്ളം, ഇരുട്ടുകുത്തി വള്ളം, ഓടി വള്ളം, വെപ്പു വള്ളം (വൈപ്പുവള്ളം), വടക്കന്നോടി വള്ളം, കൊച്ചുവള്ളം എന്നിവയാണ്.

ഏറ്റവും പ്രശസ്തമായ വള്ളംകളികൾ

ആറന്മുള ഉത്രട്ടാതി വള്ളംകളി

• ഉതൃട്ടാതി വള്ളംകളി - ആറന്മുള ആറന്മുള, പത്തനംതിട്ട
• നെഹ്‌റു ട്രോഫി വള്ളംകളി - ആലപ്പുഴ
• മൂലം വള്ളംകളി - ചമ്പക്കുളം
• കല്ലടജലോോത്സവം കൊല്ലം
• കുമരകം വള്ളംകളി
• പായിപ്പാട് ജലോത്സവം - ഹരിപ്പാട്
• ഓണം ജലോത്സവം - ചങ്ങനാശ്ശേരി
• നീരേറ്റുപുറം പമ്പാ ജലോത്സവം - നീരേറ്റുപുറം
• പ്രസിഡന്റ്സ് ട്രോഫി വള്ളംകളി അഷ്ടമുടിക്കായൽ, കൊല്ലം
• കാനെറ്റി ശ്രീനാരായണ ജലോത്സവം കരുനാഗപ്പള്ളി, കൊല്ലം
• താഴത്തങ്ങാടി വള്ളംകളി, കോട്ടയം.
• ഗോതുരുത്ത് വള്ളംകളി, പെരിയാർ, എറണാകുളം
• പിറവം വള്ളംകളി, എറണാകുളം

കേരളത്തിലെ മറ്റു വള്ളംകളികൾ

വള്ളംകളി നടക്കുന്ന വിവിധ സ്ഥലങ്ങൾ

• എ.ടി.ഡി.സി. (ആലപ്പുഴ ടൂറിസം ഡെവലപ്മെന്റ് കോർപ്പറേഷൻ) വള്ളം കളി, ആലപ്പുഴ.
• രാജീവ് ഗാന്ധി വള്ളംകളി, പുളിങ്കുന്ന്
• നീരേറ്റുപുറം പമ്പ വള്ളംകളി
• കരുവാറ്റ വള്ളംകളി
• കവണാറ്റിങ്കര വള്ളംകളി
• കുമരകം അർപ്പൂക്കര വനിതാ ജലമേള
• കോട്ടയം മഹാത്മാ വള്ളം കളി, മാന്നാർ
• താഴത്തങ്ങാടി വള്ളംകളി, കോട്ടയം
• കോട്ടപ്പുറം വള്ളംകളി
• ഇന്ദിരാഗാന്ധി വള്ളംകളി - കൊച്ചി , എറണാകുളം
• കൊടുങ്ങല്ലൂർ - കുമാരനാശാൻ സ്മാരക വള്ളംകളി, പല്ലന
• എരൂർ-ചമ്പക്കര വള്ളംകളി, എറണാകുളം
• കിടങ്ങറ വള്ളംകളി, ആലപ്പുഴ
• റാന്നി അവിട്ടം ജലോത്സവം, പത്തനംതിട്ട
• അയിരൂർ - പുതിയകാവ് ജലോത്സവം പുതിയകാവ് പത്തനംതിട്ട
• തുരുത്തിപ്പുറം വള്ളംകളി
• പറവൂർ ജലോത്സവം, പറവൂർ, തെക്കുംഭാഗം, കൊല്ലം
• കൈതപ്പുഴക്കായൽ വള്ളംകളി, കൈതപ്പുഴക്കായൽ, എറണാകുളം
• ബിയ്യം കായൽ വള്ളംകളി, പൊന്നാനി
• ഉത്തര മലബാർ വള്ളംകളി, തേജസ്വിനി കായൽ, കാസർകോട്

കേരളത്തിനു പുറത്തുള്ള വള്ളംകളി

• കനേഡിയൻ നെഹ്രു ട്രോഫി ബോട്ട് റേസ്, ബ്രാംടൺ, കാനഡ, ബ്രാംടൺ മലയാളി സമാജം

 

ഉത്രട്ടാതി വള്ളം കളി കാണാം

  

നെഹ്രു ട്രോഫി 2017 ഫൈനല്‍