തയാറാക്കി അയച്ചു തന്നത്:
ശ്രീമതി. തസ്നിം ഖദീജ.
ജി.യു.പി.എസ് രാമനാട്ടുകര, കോഴിക്കോട്
Wednesday 20 July 2022
ജൂലൈ 21 ചാന്ദ്രദിനം
"ഇത് ഒരു മനുഷ്യന്റെ ചെറിയ കാല് വെയ്പ്പ്, മാനവരാശിക്ക് വലിയകുതിച്ചു
ചാട്ടവും" എന്ന് ആംസ്ട്രോങ്ങിനാൽ തന്നെ വിശേഷിപ്പിക്കപ്പെട്ട ഈ സംഭവം
മാനവചരിത്രത്തിലെ നാഴികകല്ലുകളിലൊന്നായി വിശേഷിപ്പിക്കപ്പെടുന്നു.
ജ്യോതിശാസ്ത്ര പഠനം, ബഹിരാകാശ ഗവേഷണത്തിന്റെ പ്രാധാന്യം, മനുഷ്യന്റെ ആദ്യ
ചാന്ദ്രയാത്രയുടെ പ്രസക്തി എന്നിവ ജനങ്ങളെ ഓർമ്മിപ്പിക്കാനും പ്രത്യേകിച്ച്
വിദ്യാർത്ഥികളിൽ ഇവ സംബന്ധമായ അവബോധം വളർത്തുവാനുമാണ് ഈ ദിവസം ചാന്ദ്ര
ദിനമായി ആഘോഷിക്കുന്നത്.
- ചാന്ദ്രദിനം സമ്പൂര്‍ണവിവരങ്ങള്‍
- MOON EXPEDITIONS (TECH MALAPPURAM)
- ചാന്ദ്ര ദിനത്തിൽ പ്രദർശിപ്പിക്കാനായി ചില വീഡിയോകൾ
- ചാന്ദ്ര ദിനത്തോടനുബന്ധിച്ച് സ്കൂളിൽ നടത്താൻ ക്വിസ് പവർ പോയന്റ് പ്രെസന്റെഷൻ ,പി ഡി എഫ് ഫയൽ രൂപത്തിൽ .....
- ചാന്ദ്ര ദിനം ക്വിസ് 2020 (തയാറാക്കി അയച്ചു തന്നത്: ശ്രീമതി. തസ്നിം ഖദീജ. എം, ജി.എല്‍.പി.എസ് കാരാട്, മലപ്പുറം ജില്ല)
- ചാന്ദ്ര ദിനം ക്വിസ് 2019
-----------------------------------------------
(ബഹിരാകാശ പര്യവേക്ഷണ ചരിത്രം, ബഹിരാകാശത്തെ ജീവിതം, ഭാരമില്ലായ്മയുടെ തമാശകൾ, സ്പേസ് ഷട്ടിൽ, ബഹിരാകാശ നിലയം, ബഹിരാകാശത്ത് വെച്ച് നടത്തിയ ചില ശാസ്ത്ര പരീക്ഷണങ്ങൾ, സ്പെയ്സ് സ്യൂട്ടിൻ്റെ വിശേഷങ്ങൾ, സ്പേസ് വാക്ക്, ബഹിരാകാശ സഞ്ചാരികൾക്ക് നൽകുന്ന പരിശീലനങ്ങൾ, ഇന്ത്യൻ ബഹിരാകാശ സഞ്ചാരികൾ തുടങ്ങിയവയാണ് ഉള്ളടക്കം )
മനുഷ്യൻ ആദ്യമായി ചന്ദ്രനിലിറങ്ങിയതിൻ്റെ വിവരങ്ങൾ അന്നത്തെ പത്രവാർത്ത രൂപത്തിൽ
ജൂലായ് 21 ൻ്റെ ചാന്ദ്രദിനാചരണവുമായി ബന്ധപ്പെട്ട് മനുഷ്യൻ
ആദ്യമായി ചന്ദ്രനിലിറങ്ങിയതിൻ്റെ വിവരങ്ങൾ അന്നത്തെ പത്രവാർത്ത രൂപത്തിൽ
ഒരു പുനരാവിഷ്കരണം. നടത്തുകയാണ് മലപ്പുറം ജില്ലയിലെ GHSS
കാട്ടിലങ്ങാടിയിലെ ചിത്രകലാധ്യാപകനും കലാവിദ്യാഭ്യാസം സ്റ്റേറ്റ്
റിസോഴ്സുമായ ശ്രീ. സുരേഷ് കാട്ടിലങ്ങാടി
Saturday 9 July 2022
ലോക ജനസംഖ്യാ ദിനം
ജനപ്പെരുപ്പമെന്ന പ്രശ്‌നത്തിലേക്ക്
ജനശ്രദ്ധ കൊണ്ടുവരാനാണ് 1989ല്‍ ഐക്യരാഷ്ട്രസഭ ജൂലൈ 11 ലോക ജനസംഖ്യാ
ദിനമായി ആചരിക്കാന്‍ നിര്‍ദ്ദേശിച്ചത്. സ്ത്രീ ശാക്തീകരണമാണ് ഐക്യരാഷ്ട്രസഭ
ഇത്തവണത്തെ ലോക ജനസംഖ്യാദിനത്തില്‍ ഉയര്‍ത്തുന്ന സന്ദേശം.
ലോക ജനസംഖ്യ ക്രമാതീതമായി വര്‍ദ്ധിച്ചു കൊണ്ടേയിരിക്കുന്നു.
അതിനനുസരിച്ച് വിഭവങ്ങള്‍ കുറയുകയും ദാരിദ്ര്യവും പട്ടിണിയും ഭീതിദമായി
കൂടുകയും ചെയ്യുന്നു. പോഷകാഹാരക്കുറവും നിരക്ഷരതയും തൊഴിലില്ലായ്മയും
യുദ്ധങ്ങളും കുടിയേറ്റങ്ങളും എല്ലാം കോടിക്കണക്കിന് ആളുകള്‍ നേരിടുകയാണ്. ഈ
വെല്ലുവിളികളെ നേരിടാനുള്ള പ്രതിവിധികളിലൊന്ന് സ്ത്രീ ശാക്തീകരണമാണ്. ഇത്
സാധ്യമാക്കാന്‍ കൗമാരക്കാരായ പെണ്‍കുട്ടികള്‍ക്കു വേണ്ടി നിക്ഷേപം എന്നതാണ്
ഈ വര്‍ഷത്തെ ഐക്യരാഷ്ട്രസഭയുടെ സന്ദേശം.
ലോകത്താകമാനം കൗമാരക്കാരായ പെണ്‍കുട്ടികള്‍ നിരവധി വെല്ലുവിളികള്‍
നേരിടുകയാണ്. ശൈശവ വിവാഹവും കൗമാരത്തിലേ അമ്മയാവുകയും ചെയ്യുന്നത്
പെണ്‍കുട്ടികളുടെ തുടര്‍ വിദ്യാഭ്യാസത്തിനും ആരോഗ്യത്തിനും വിലങ്ങുതടിയാണ്.
ദാരിദ്ര്യവും സ്വന്തം ജീവിതത്തില്‍ തീരുമാനങ്ങളെടുക്കാനുള്ള
അധികാരമില്ലായ്മയും അവരെ കടുത്ത ചൂഷണത്തിനു വിധേയരാക്കുന്നു. വികസ്വര
രാജ്യങ്ങളില്‍ മൂന്നിലൊന്നു പെണ്‍കുട്ടികള്‍ 18 വയസ്സാവുന്നതിനു മുന്‍പേ
വിവാഹിതരാവുന്നുവെന്നാണ് കണക്കുകള്‍ സൂചിപ്പിക്കുന്നത്. കൂടാതെ പ്രതിദിനം
800 പെണ്‍കുട്ടികള്‍ ഗര്‍ഭകാലത്തും പ്രസവസമയത്തും മരണപ്പെടുന്നു.
പെണ്‍കുട്ടികളുടെ അവകാശങ്ങള്‍ സംരക്ഷിക്കുകയും തുടര്‍ വിദ്യാഭ്യാസം
ഉറപ്പാക്കി അവരെ ശാക്തീകരിക്കുന്നതിലൂടെ ആരോഗ്യകരമായ വരും തലമുറയാണ്
നമുക്ക് സ്വായത്തമാവുന്നത്. അങ്ങനെ സമൂഹവും അഭിവൃദ്ധിപ്പെടും. ഇതാണ്
ലോകജനസംഖ്യാ ദിനത്തില്‍ ഐക്യരാഷ്ട്രസഭ മുന്നോട്ടുവെയ്‌ക്കുന്ന സന്ദേശം.
ജുലായ്-11 ലോക ജനസംഖ്യാ ദിനം
1989 ജൂലൈ 11മുതലാണ് ലോകജനസംഖ്യാദിനമായി ആചരിച്ചുവരുന്നത്.
1987 ജൂലായ് 11നാണ് ലോക ജനസംഖ്യ 500കോടി തികഞ്ഞത്. ഐക്യരാഷ്ട്ര സംഘടനയുടെ
കീഴിലുള്ള യുനൈറ്റഡ് നേഷന്‍സ് ഡവലപ്പ്മെന്റ് പ്രോഗ്രാമിന്റെ
ആഭിമുഖ്യത്തിലാണ് ഈ ദിവസം ജനസംഖ്യാദിനമായി ആചരിക്കുന്നത്. ജനസംഖ്യാ
വര്‍ദ്ധനവ് സൃഷ്ടിക്കുന്ന പ്രശ്നങ്ങളെക്കുറിച്ച് ജനങ്ങളെ
ബോധവല്‍ക്കരിക്കുകയാണ് ദിനാചരണത്തിന്റെ ലക്ഷ്യം.
ജനക്കണക്ക് തുടങ്ങിയത്
പുരാതന കാലം മുതല്‍ ജനങ്ങളുടെ എണ്ണം സംബന്ധിച്ച കണക്കെടുപ്പ്
നടന്നിരുന്നതായി കരുതുന്നു. രാജ്യങ്ങള്‍ തമ്മില്‍ യുദ്ധത്തില്‍
ഏര്‍പ്പെട്ടിരുന്ന പ്രാചീനകാലത്ത് പട്ടാളത്തില്‍ ചേര്‍ക്കാന്‍ പറ്റിയവരുടെ
കണക്ക് ഭരണാധികാരികള്‍ക്ക് ആവശ്യമായിരുന്നു. സമൂഹത്തിന്റെ ക്ഷേമം, ജനസംഖ്യ
എന്നിവ തമ്മിലുള്ള ബന്ധത്തെക്കുറിച്ച് ചൈനീസ് തത്വചിന്തകനായ കണ്‍ഫ്യൂഷ്യസ്
തന്റെ കൃതികളില്‍ പരാമര്‍ശിച്ചിട്ടുണ്ട്. Monday 4 July 2022
വൈക്കം മുഹമ്മദ് ബഷീർ
മലയാള നോവലിസ്റ്റും കഥാകൃത്തും സ്വാതന്ത്ര്യസമര പോരാളിയുമായിരുന്നു. ബേപ്പൂർ സുൽത്താൻ എന്ന അപരനാമത്തിലും അറിയപ്പെടുന്ന വൈക്കം മുഹമ്മദ് ബഷീർ (ജനനം: 21 ജനുവരി 1908 തലയോലപ്പറമ്പ്, വൈക്കം - മരണം:
5 ജൂലൈ 1994 ബേപ്പൂർ, കോഴിക്കോട്). 1982-ൽ ഇന്ത്യാ ഗവൺമെൻറ്‍ പത്മശ്രീ
പുരസ്കാരം നൽകി ആദരിച്ചു. ആധുനിക മലയാളസാഹിത്യത്തിൽ ഏറ്റവുമധികം
വായിക്കപ്പെട്ട എഴുത്തുകാരിലൊരാൾ എന്ന് വിശേഷിപ്പിക്കപ്പെട്ടു.
വൈക്കം മുഹമ്മദ് ബഷീർ
1908 ജനുവരി 21ന് തിരുവിതാംകൂറിലെ (ഇപ്പോഴത്തെ കോട്ടയം ജില്ലയിലെ വൈക്കം താലൂക്കിൽ ഉൾപ്പെട്ട) തലയോലപ്പറമ്പ്
ഗ്രാമത്തിൽ ജനിച്ചു.
പിതാവ് കായി അബ്ദുറഹ്‌മാൻ, മാതാവ് കുഞ്ഞാത്തുമ്മ. ഏറെ വൈകിയാണ് ബഷീർ വിവാഹിതനായത്, 1958 ഡിസംബർ 18-ന് . ഫാബി ബഷീറാണ് ഭാര്യ. അനീസ്, ഷാഹിന എന്നിങ്ങനെ രണ്ട് മക്കളുണ്ട്. 1994 ജൂലൈ 5-ന് ബഷീർ അന്തരിച്ചു.
അറിയാം ബേപ്പൂരിന്റെ സുല്‍ത്താനെക്കുറിച്ച്
വൈക്കം മുഹമ്മദ് ബഷീർ
മലയാള നോവലിസ്റ്റും കഥാകൃത്തും സ്വാതന്ത്ര്യസമര പോരാളിയുമായിരുന്നു. ബേപ്പൂർ സുൽത്താൻ എന്ന അപരനാമത്തിലും അറിയപ്പെടുന്ന വൈക്കം മുഹമ്മദ് ബഷീർ (ജനനം: 21 ജനുവരി 1908 തലയോലപ്പറമ്പ്, വൈക്കം - മരണം:
5 ജൂലൈ 1994 ബേപ്പൂർ, കോഴിക്കോട്). 1982-ൽ ഇന്ത്യാ ഗവൺമെൻറ്‍ പത്മശ്രീ
പുരസ്കാരം നൽകി ആദരിച്ചു. ആധുനിക മലയാളസാഹിത്യത്തിൽ ഏറ്റവുമധികം
വായിക്കപ്പെട്ട എഴുത്തുകാരിലൊരാൾ എന്ന് വിശേഷിപ്പിക്കപ്പെട്ടു.വൈക്കം മുഹമ്മദ് ബഷീർ, 1908 ജനുവരി 21ന് തിരുവിതാംകൂറിലെ (ഇപ്പോഴത്തെ കോട്ടയം ജില്ലയിലെ വൈക്കം താലൂക്കിൽ ഉൾപ്പെട്ട) തലയോലപ്പറമ്പ് ഗ്രാമത്തിൽ ജനിച്ചു. പിതാവ് കായി അബ്ദുറഹ്‌മാൻ, മാതാവ് കുഞ്ഞാത്തുമ്മ. ഏറെ വൈകിയാണ് ബഷീർ വിവാഹിതനായത്, 1958 ഡിസംബർ 18-ന് . ഫാബി ബഷീറാണ് ഭാര്യ. അനീസ്, ഷാഹിന എന്നിങ്ങനെ രണ്ട് മക്കളുണ്ട്. 1994 ജൂലൈ 5-ന് ബഷീർ അന്തരിച്ചു.
ബഷീർദിനവുമായി ബന്ധപ്പെട്ട് കുട്ടികൾക്ക് നൽകാവുന്ന പ്രവർത്തനങ്ങൾ
1, ബഷീർ രചനകളെ ആസ്പദമാക്കി വായനാക്കുറിപ്പ് തയ്യാറാക്കൽ മത്സരം.
2, ബഷീർ ദ മാൻ എന്ന ഡോക്യുമെന്ററി യുടെ പ്രദർശനം.
3. ബാല്യകാലസഖി, ഭാർഗവീനിലയം തുടങ്ങിയ കഥകളുടെ ചലച്ചിത്രാവിഷ്കാരങ്ങളുടെ പ്രദർശനം.
4. ബഷീറിന് ഏറ്റവും പ്രിയപ്പെട്ട മാങ്കോസ്റ്റിൻ മരം വെച്ചു പിടിപ്പിക്കൽ .
5. ബഷീർകൃതികളുടെ / ബഷീറിനെക്കുറിച്ചുള്ള പഠനങ്ങളുടെ പ്രദർശനം.
6. ബഷീർ കഥാപാത്രങ്ങളുടെ പുനരാവിഷ്ക്കാരം.
7. ബഷീർ കഥാപാത്രങ്ങളെ വരയ്ക്കൽ,
8. ബഷീറിന്റെ സവിശേഷമായ പദപ്രയോഗങ്ങളുടെ ശേഖരണവും പ്രദർശനവും.
9. ബഷീർ കഥാപാത്രങ്ങൾ തമ്മിൽ കണ്ടുമുട്ടിയാൽ - സാങ്കല്പിക സംഭാഷണവും അഭിമുഖവും.
10. ക്വിസ്
Subscribe to:
Posts (Atom)