ആം ആദ്മി ബീമ യോജന (ആബി) പദ്ധതിയുടെ 2016-17 വര്‍ഷത്തേയ്ക്കുളള
സ്‌കോളര്‍ഷിപ്പ് അപേക്ഷകള്‍ സ്വീകരിക്കുന്ന അവസാന തീയതി ഫെബ്രുവരി 25 വരെ
ദീര്‍ഘിപ്പിച്ചു. അപേക്ഷകള്‍ എല്ലാ അക്ഷയ വഴിയും സ്വീകരിക്കും. ആബി പോളിസി
ഉടമയുടെ ഒമ്പതു മുതല്‍ 12 വരെ (ഐ.ടി.ഐ ഉള്‍പ്പെടെ) ക്ലാസില്‍ പഠിക്കുന്ന
രണ്ടു വിദ്യാര്‍ത്ഥികള്‍ സ്‌കോളര്‍ഷിപ്പിന് അര്‍ഹരാണ്. അപേക്ഷ ഫോറം
ചിയാക്കിന്റെ വെബ് സൈറ്റില്‍ (www.chiak.org) നിന്നോ അക്ഷയ കേന്ദ്രങ്ങളില്‍
നിന്നോ ലഭിക്കും. അപേക്ഷ ഫോറം സ്‌കൂളിലെ പ്രധാന അദ്ധ്യാപകന്‍
സാക്ഷ്യപ്പെടുത്തിയ ബാങ്ക് പാസ് ബുക്കിന്റെ പകര്‍പ്പ്, ആധാര്‍ കാര്‍ഡ്,
എന്നിവ സഹിതം അക്ഷയ കേന്ദ്രങ്ങളിലൂടെ ഓണ്‍ലൈനായാണ് സ്‌കോളര്‍ഷിപ്പിനു
അപേക്ഷിക്കേണ്ടത്. ഫോറത്തിനു രണ്ട് രൂപയും ഡാറ്റാ എന്‍ട്രി ഫീസായി 15
രൂപയും അപേക്ഷകന്‍ നല്‍കണം. കൂടുതല്‍ വിവരങ്ങള്‍ക്കും അപേക്ഷാ ഫോറത്തിനും
തൊട്ടടുത്ത അക്ഷയ കേന്ദ്രവുമായി ബന്ധപ്പെടണം.
No comments:
Post a Comment