STANDARD 3 MALAYALAM

കുട്ടികളും പക്ഷികളും

കവിത  ആഡിയോ ഡൌൺലോഡ് 1
 (അയച്ചുതന്നത് : ശ്രീദേവി വിജയൻ,  ജി.എൽ.പി.എസ്  കടുക്കാംകുന്നം, പാലക്കാട് )
ആഡിയൊ ഡൌൺലോഡ് 2
പൈങ്കിളിയെ പൈങ്കിളിയെ...  പന്തളം കേരളവർമ്മ

PENCIL MODULE DOWNLOAD

വൈലോപ്പിള്ളി ശ്രീധരമേനോൻ

 ജീവിതയാഥാർഥ്യങ്ങളെ പച്ചയായി ചിത്രീകരിക്കുന്ന കവിതകൾ എഴുതി ശ്രദ്ധേയനായ മലയാള സാഹിത്യകാരനായിരുന്നു വൈലോപ്പിള്ളി ശ്രീധരമേനോൻ (വൈലോപ്പിള്ളി,1911 മെയ്‌ 11, 1985 ഡിസംബർ 22)  എറണാകുളം ജില്ലയിൽ തൃപ്പൂണിത്തറയിൽ കൊച്ചുകുട്ടൻ കർത്താവിന്റെയും, നാണിക്കുട്ടിയമ്മയുടേയും പുത്രനായി ജനിച്ചു, സസ്യശാസ്ത്രത്തിൽ ബിരുദമെടുത്തതിനുശേഷം 1931-ൽ അധ്യാപനവൃത്തിയിൽ പ്രവേശിച്ചു. ഭാനുമതിഅമ്മയെ വിവാഹം ചെയ്തു, രണ്ട്‌ ആൺമക്കൾ, ശ്രീകുമാർ, വിജയകുമാർ. 1966-ൽ ഹൈസ്കൂൾ പ്രധാനാദ്ധ്യാപകനായാണ്‌ വിരമിച്ചത്‌.   എല്ലാ മരുഭൂമികളെയും നാമകരണം ചെയ്തു മുന്നേറുന്ന അജ്ഞാതനായ പ്രവാചകനെപ്പോലെ മലയാളിയുടെ വയലുകൾക്കും തൊടികൾക്കും സഹ്യപർവ്വതത്തിനും കയ്പവല്ലരിയ്ക്കും മണത്തിനും മഴകൾക്കുമെല്ലാം കവിതയിലൂടെ അനശ്വരതയുടെ നാമം നൽകിയ വൈലോപ്പിള്ളി, കേരളത്തിന്റെ പുൽനാമ്പിനെ നെഞ്ചിലമർത്തിക്കൊണ്ട്‌ എല്ലാ സമുദ്രങ്ങൾക്കും മുകളിൽ വളർന്നു നിൽക്കുന്നു.

 മാമ്പൂവിന്റെ മണവും കൊണ്ടെത്തുന്ന വൃശ്ചികക്കാറ്റ്‌ മലയാളിയുടെ ഓർമ്മകളിലേക്ക്‌ സങ്കടത്തിന്റെ ഒരശ്രുധാരയും കൊണ്ടുവരുന്നുണ്ട്‌. വൈലോപ്പിള്ളിയുടെ മാമ്പഴത്തിലൂടെ മലയാളി അനുഭവിച്ചറിഞ്ഞ ആ പുത്രദുഃഖം,ഒരു പക്ഷേ, ഭൂമിയുടെ അനശ്വരമായ മാതൃത്വത്തിലേക്ക്‌ തിരിച്ചുപോയ പുത്രന്മാരുടെയും ജനപദങ്ങളുടെയും ഖേദമുണർത്തുന്നു.വൈലോപ്പിള്ളി ശ്രീധരമേനോൻ 1936-ൽ എഴുതിയ കവിതയാണ് മാമ്പഴം. വൈലോപ്പിള്ളിക്കവിതകളിൽ ഏറ്റവും പ്രസിദ്ധമായ കൃതിയാണ് മാമ്പഴം. ഒരമ്മ മാമ്പഴക്കാലമാകുമ്പോൾ തന്റെ മരിച്ചുപോയ മകനെക്കുറിച്ച് ഓർക്കുന്നതാണ് ഇതിലെ പ്രതിപാദ്യം. കേകാവൃത്തത്തിൽ ഇരുപത്തിനാല് ഈരടികൾ അടങ്ങുന്ന ഈ കവിത ആദ്യം പ്രസിദ്ധീകരിച്ചത്, 1936-ലെ മാതൃഭൂമി ഓണപ്പതിപ്പിലാണ്. ആറു വർഷം മുൻപ് 1930-ൽ, നാലര വയസ്സുള്ളപ്പോൾ മരിച്ച ഒരനുജന്റെ ഓർമ്മ കവിതയ്ക്കു പിന്നിലുണ്ടെന്ന് കവി വെളിപ്പെടുത്തിയിട്ടുണ്ട്.  പിന്നീട് 1947-ൽ ഇറങ്ങിയ ‘‘കന്നിക്കൊയ്ത്ത്‘’ എന്ന സമാഹാരത്തിൽ ഉൾപ്പെടുത്തി1985 ഡിസംബർ മാസം 22-ന്‌ അന്തരിച്ചു.

കവിതകൾ

• മാമ്പഴം (1936)
• കന്നിക്കൊയ്ത്ത് (1927)
• സഹ്യന്റെ മകൻ (1944))
• ശ്രീരേഖ (1950)
• കുടിയൊഴിയൽ (1952)
• ഓണപ്പാട്ടുകാർ (1952)
• വിത്തും കൈക്കോട്ടും (1956)
• കടൽക്കാക്കകൾ (1958)
• കയ്പ്പവല്ലരി (1963)
• വിട (1970)
• മകരക്കൊയ്ത്ത് (1980)
• പച്ചക്കുതിര (1981)
• കുന്നിമണികൾ(1954)
• മിന്നാമിന്നി (1981)
• കുരുവികൾ(1961)
• വൈലോപ്പിള്ളിക്കവിതകൾ(1984)
• മുകുളമാല(1984)
• കൃഷ്ണമൃഗങ്ങൾ(1985)
• അന്തിചായുന്നു (1985) ^{[അവലംബം ആവശ്യമാണ്]}
• ആസാംപണിക്കാർ

മറ്റു കൃതികൾ

• ഋശ്യശൃംനും അലക്സാണ്ടറും(നാടകം-1956)
• കാവ്യലോകസ്മരണകൾ (സ്മരണകൾ-1978)
• അസമാഹൃത രചനകൾ(സമ്പൂണ്ണകൃതികളിൽ)
• വൈലോപ്പിള്ളി സമ്പൂർണ്ണകൃതികൾ - വാല്യം 1,2 (2001)

വൈലോപ്പിള്ളി സാഹിത്യ പുരസ്കാരം

വൈലോപ്പിള്ളി സ്മാരക സമിതി ഏർപ്പെടുത്തിയ അവാർഡ് 10,001 രൂപയും പ്രശസ്തിഫലകവുമടങ്ങിയതാണ് വൈലോപ്പിള്ളി സാഹിത്യ പുരസ്കാരം

ജീവിത രേഖ

• 1911 ജനനം
• 1931 ബി.എ.
• 1947 ആദ്യ കവിതാ സമാഹാരം 'കന്നിക്കൊയ്ത്ത്'
• 1951 എം.പി. പോൾ പുരസ്കാരം - 'ശ്രീരേഖ'
• 1952 'കുടിയൊഴിക്കൽ', 'ഓണപ്പാട്ടുകാർ'
• 1954 'കുന്നിമണികൾ'
• 1958 'കടൽക്കാക്കകൾ'
• 1965 കേരള സാഹിത്യ അക്കാദമി അവാർഡ് - 'കയ്പവല്ലരി'
• 1969 സോവിയറ്റ് ലാൻഡ് നെഹ്രു അവാർഡ് - 'കുടിയൊഴിക്കൽ'
• 1970 'വിട'
• 1971 ഓടക്കുഴൽ അവാർഡ് - 'വിട'
• 1972 കേന്ദ്ര സാഹിത്യ അക്കാദമി അവാർഡ് - 'വിട'
• 1980 'മകരകൊയ്ത്ത്'
• 1981 കേരള സാഹിത്യ അക്കാദമി വിശിഷ്ടാംഗത്വം; വയലാർ അവാർഡ് - 'മകരക്കൊയ്ത്ത്'
• 1985 മരണം

ശ്രീ വൈലോപിള്ളിയുടെ മാമ്പഴം എന്ന കവിത...

വരയന്‍ കത്രികപക്ഷി 

ഇന്ത്യയില്‍ എന്നല്ല ലോകത്ത് ഏതാണ്ട് എല്ലാ സ്ഥലങ്ങളിലും കാണപ്പെടുന്ന ഒരു കൂട്ടം ചെറിയ പക്ഷികളാണ് കത്രികപക്ഷികള്‍(ന്ഥന്ദന്റllഗ്നന്ദ). ഇവയോട് വളരെ സാദൃശ്യമുള്ള മറ്റൊരുകൂട്ടരാണ് ശരപ്പക്ഷികള്‍.ഇവയും ഏതാണ്ട് എല്ലാ സ്ഥലങ്ങളിലുമുണ്ട്. കാലാവസ്ഥാവ്യതിയാനങ്ങള്‍ക്ക് അനുസരിച്ച് ദൂരെദേശങ്ങളിലേക്കാണ് യാത്ര. ചെറുപ്രാണികളും പുല്‍ച്ചാടികളും ഒക്കെയാണ് ഇക്കൂട്ടരുടെ ആഹാരം .

കത്രികപക്ഷികളുടെ പ്രത്യേകത ഇവയ്ക്ക് തിളങ്ങുന്ന നിറമാണ് ഉള്ളത് എന്നതാണ്. വളരെ വേഗത്തില്‍ സഞ്ചരിക്കുന്ന പക്ഷി തന്റെ ചിറകുകളെ പിറകോട്ട് തള്ളി അടച്ചും തുറന്നുമാണ് പറക്കുന്നത്. കെട്ടിടങ്ങളുടേയും മറ്റും ഇടയില്‍ കൂടി പറക്കുമ്പോള്‍ ഭിത്തികളില്‍ ഇടിച്ചിവീഴുമോ എന്ന് തോന്നും വിധം വേഗത്തില്‍ വെട്ടിയും തിരിഞ്ഞുമാണ് ഇക്കൂട്ടര്‍ പറക്കുന്നത്.

നമ്മുടെ നാട്ടില്‍ മുട്ടയിട്ട് കുഞ്ഞുങ്ങളെ വിരിയിക്കുന്ന ഒരു കൂട്ടമാണ് വരയന്‍ കത്രിക. ഇവര്‍ വീടിന്റെ തട്ടിലും മറ്റും ഉണ്ടാക്കുന്ന കൂടുകളില്‍ മുട്ടയിടുന്നു. ഇവയ്ക്ക് മനുഷ്യരെ ഭയമില്ല. ഇതിനാല്‍ പലപ്പോഴും വരയന്‍ കത്രികയുടെ കൂടുകള്‍ മനുഷ്യവാസം ഉള്ളിടത്താണ് കാണുന്നത്. മറ്റു പക്ഷികളില്‍ നിന്നും ഏറെ വ്യത്യസ്തമാണ് കത്രിക പക്ഷികളുടെ കൂട്.

മറ്റു പക്ഷികള്‍ ചുള്ളികളും നാരുമൊക്കെ ഉപയോഗിച്ച് കൂടുണ്ടാക്കുമ്പോള്‍ കത്രികപക്ഷികള്‍തങ്ങളുടെ കൂടിനായി മണ്ണ് ആണ് ഉപയോഗിക്കുന്നത്.പിന്നീട് പഞ്ഞിയും മറ്റും കൊണ്ടുവന്നു കൂടിനുള്‍വശം മൃദുവാക്കുന്നു. കത്രികപക്ഷികളുടെ പുറംഭാഗം തിളങ്ങുന്ന നിറത്തോടുകൂടിയുള്ളതാണ്.ഇതില്‍ നിന്നും വ്യത്യസ്തമല്ല വരയന്‍കത്രികയുടെ കാര്യവും. ഇക്കൂട്ടരുടെ തലയും പുറവും തിളങ്ങുന്ന നീലനിറമാണ്. കറുപ്പ് കലര്‍ന്ന നീലനിറം. പക്ഷിയുടെ അടിവശമാണങ്കില്‍ ചെറിയ ഓറഞ്ച് നിറത്തോടുകൂടിയ വെള്ളനിറവും സൂക്ഷിച്ചുനോക്കിയാല്‍ പക്ഷിയുടെ അടിവശത്ത് ചെറിയവരകളും കാണുവാന്‍ കഴിയും.